ကွန်ပျူတာသုံး မြန်မာစာလုံးများ - HDCG

ပထမဆုံးမြန်မာစာစနစ်ကို ကွန်ပျူတာမှာအသုံးပြုဖို့ တက္ကသိုလ်များ ကွန်ပျူတာဌာန (ထိုစဉ်က ယူစီစီ) ပုံဖော်ခဲ့ကြပေမယ့် တလိုင်းခြင်း ပြင်ဆင်ရသည့်စနစ်ဖြစ်လို့ အသုံးမတွင်ကျယ်ခဲ့ပါ။ (မရှိမဖြစ်အောင်ကြိုးစားခဲ့မှုကို လေးစားရပါတယ်။)

စခရင်တခုလုံးမှာ လိုရာရွှေ့ပြောင်းပြီး ပြင်လို့ရတဲ့မြန်မာစာစနစ်ကို Apple ကွန်ပျူတာတွေမှာ စတင်အသုံးပြုပါတယ်။ မြန်မာစာတတ်ကျွမ်းသူ နိုင်ငံခြားသား အကူအညီနဲ့ ဖန်တီးခဲ့တာဖြစ်လို့ အသံထွက်နဲ့ သင်္ကေတဖော်ခဲ့ပါတယ်။ အေ ဆို အ၊ ကေ ဆို က ဆိုတာမျိုးပါ။
(စာအုပ် စာစောင်တွေမှာ ကွန်ပျူတာအသုံးပြု မြန်မာစာလုံး စမြင်ရတာပါ။)

ဝင်းဒိုး (Windows) စနစ်ပေါ်မှာ ပထမဦးဆုံး မြန်မာစာစနစ်ကတော့ ရွှေနဲ့မြပါ။ ကွန်ပျူတာတက္ကသိုလ် (ထိုစဉ်က အိုင်စီအက်စ်တီ) က ဆရာနှစ်ဦး ဖန်တီးခဲ့ကြသော်လဲ စာလုံးနံပါတ်များပေါ်မှာ စီရန် ရှာရန် ဦးစားပေးခဲ့လို့ အသုံးပြုမှု လက်ကွက်က အသစ်ဖြစ်နေခဲ့ပါတယ်။
(အများသုံး အိုင်ဘီအမ် (IMB) စနစ်မှာ စသုံးနိုင်ခဲ့ပါတယ်။)

လက်နှိပ်စက် လက်ကွက်ကို အများစု အခြေခံပြီး ပေါ်လာတဲ့ ဝင်းမြန်မာစာလုံးက အသုံးပြုမှုလွယ်ကူလာပြီး အများက လက်ခံအသုံးပြုလာကြတယ်။ စာလုံးစတိုင် မျိုးစုံပါဝင်ခြင်းကြောင့် ပုံနှိပ်ခြင်းမှာ တွင်ကျယ်လာပါတယ်။
(ပုံနှိပ်မီဒီယာမှာ မရှိမဖြစ်တဲ့ မြန်မာစာစနစ် တခုပါ။)

အရုပ်ပုံစနစ်ကို အခြေခံပြီး စာလုံးပုံဖော် တည်ဆောက်ရတာဖြစ်တဲ့အတွက် အင်တာနက် အသုံးတွင်ကျယ်လာတဲ့အခါ အွန်လိုင်းပေါ်မှာ အဆင်မပြေတော့တဲ့အတွက် အင်တာနက်မှာ အသုံးပြုလွယ်ကူရန် အသုံးတွင်ကျယ်နေတဲ့ ဝင်းမြန်မာလက်ကွက်ကို အခြေခံပြီး အယ်လ်ဖာ (Alpha) အဖွဲ့က ဇော်ဂျီဖောင့်ကို တီထွင်ခဲ့လို့ အွန်လိုင်းပေါ်မှာ အဆင်ပြေပြေ အသုံးပြုလာနိုင်ကြပါတယ်။
(အွန်လိုင်းပေါ်မှာ မရှိရင် မသိရင် မဖြစ်ဖြစ်အောင် စွမ်းဆောင်ခဲ့ကြပါတယ်။)

သို့သော် ရရစ်၊ အောက်ကမျင့်၊ တချောင်းငင်တို့က တခုထက်မက အသုံးပြုလာရတဲ့အတွက် ရှာဖွေခြင်း၊ စီခြင်းမှာ အခက်အခဲများစွာရှိလာပါတယ်။ ဒီအထိ ပေါ်လာတဲ့ စာလုံးများရဲ့ စာရိုက်ပုံက အရင်လာ အရင်ရိုက်ပုံစံပါဘဲ။

အခုအသုံးပြုမယ့် ယူနီကုတ်ကတော့ စာလုံးပေါင်းသလိုစာရိုက်ရမှာပါ။ ပြည်ထောင်စု ယူနီကုတ်ကတော့ ဒီပြသနာကိုဖြေရှင်းရင်း စံတခုသတ်မှတ်လိုတဲ့အတွက် ရှာခြင်း၊ စီခြင်းမှာ အခက်အခဲနည်းသွားပြီး အသုံးချပရိုဂရမ်တွေ နောင် ဝင်းဒိုး (Windows) စနစ်အထိ မြန်မာလိုအသုံးပြုနိုင်တဲ့အပြင် အများမျှော်လင့်နေတဲ့ ရှုပ်ထွေးတဲ့ပွဲစားဝန်ဆောင်မှု လာဘ်ပေးမှုတွေမပါတဲ့ အီး ဂါဗားမန့် (E-Government) စနစ်ကို ရောက်ရှိစေမှာပါ။

ထို့ကြောင့်.. ရည်ရွယ်ချက်အမျိုးမျိုးနဲ့ မြန်မာစာစနစ်ကို စေသနာအရင်းခံပြီး အဆင့်ဆင့် တီထွင်ခဲ့သူများကို လေးစားစွာဖြင့်..

#HDComputerGroup

ယူနီကုတ်ဖောင့် (ပြည်ထောင်စုဖောင့်) ကို Download ပြုလုပ်လိုပါက
https://mcf.org.mm/myanmar-unicode.html
https://www.mmunicode.org/wiki/pyidaungsu-font/
https://unicodetoday.org/fonts-download/

#MyanmarFont #Unicode #Zawgyi #WinMyanmar